ISABEL RODRÍGUEZ LOSADA

 

MANIQUEÍSMO

 

 

                                                         Entre o branco querubín

                                                         e o negro do duro Averno

                                                         hai unha gama de grises …

 

                                                         o xusto e o ideal

                                                         e atopar o punto medio…

 

                                                         e… neste humano andén

                                                         onde todos agardamos

                                                         aquel derradeiro tren

                                                         que a outro tempo

                                                         ha de levarnos,

                                                         creo ter por ben seguro:

 

                                                         … entre os que respiramos

                                                         ninguén chega ó branco puro …

                                                         pero ninguén se mergulla

                                                         no negro máis absoluto …

 

                                                         … todos imos navegando

                                                         mal ou ben …

                                                         como nos deixan,

                                                         alternando ben e mal

                                                         dúas caras de igual moeda …

 

                                                         … acadamos, nesta roda …

                                                         … unhas veces gris máis claro,

                                                         outras veces, case negro …

                                                         tan só é cuestión de matices ...