Macamen Alonso

MacamenAlonsoIlustracion.png

Trala porta de chave esquecida

Queda a esperanza. E o desacougo.

A incerteza  rabuña as cinzas

Das lembranzas de escuma.

Esperanza na vida

Cando a morte baila ingrávida.

 

Trala porta de chave esquecida

Hai fiestras que son trampas:

Instantes de xuntanzas ás oito en punto.

Batendo as mans na procura do eco.

Regreso á soidade.

 

Trala porta de chave esquecida

Hai moito medo,

Inquedanza e sorrisos agachados.

 

  (Para sempre perdemos os beizos libres

   E as armas contra a invisibilidade).

 

Trala porta de chave esquecida

A loucura escrebe

                           en negro

                                          sobre fondo negro.

 

Páxina 57