Antón De Guizán

QUÉRO-TE

 

Quéro-te e chove

chove e quéro-te.

E cando o vento

remexe nas herbas e nos atopa ocupados,

quéro-te.

E cando a chuva

entra nos poros da terra moura

e cala os ósos, também te quero.

E cando as folhas tolas

revolvem e não param

e escoito o teu andar,

quéro-te.

Quéro-te logo, porque agora

estou nos brahnais do prazer

que me dá querer-te.

Quéro-te nos peitos da chaira,

nas veas do río Pardinhas,

nas mamilas-penedos de Rodas,

quéro-te nos cabelos

das leiras de centeo

e na virginal

e húmida herba verde

no embigo do pozo,

e na fresca carbalheira do teu corpo

quéro-te.

Quéro-te como a boa gaita

quere a madeira de bujo.

Quéro-te igual que as casas

queren os lousados

ou a lareira quere a lenha de carbalho

e a troita quere as augas frías do río,

quéro-te coma o pan quente saído do forno e como o fume que sae 

das chemineias

nas manhás frías da chaira.

Quéro-te coma os felgos do monte

molhados de xeada,

como as folhas húmidas 

nas herbas dos prados

e os corzos saltando os valados.

Quéro-te.

Como as bólas

encarnadas dos acivros

e os ourizos das castanhas.

Como as brasas do lume

quentando as longas conversas...

Como todo o que quero,

QUERO-TE.

 

Páxina 49