ABANDONO

( Aldeas abandoadas..)

                                   Literalmente penduradas

                                   das ribeiras ...

                                   ós seus pes

                                   o pai ?, Miño

                                   o fillo ?, Sil

                                   e mil outros ...

                                   máis de mil ...

                                   arroios,

                                   regatos,

                                   torrentes

                                   e fervenzas.

                                   Antigas e novas vides

                                   trepando pola ribeira

                                   entre soutos,

                                   medronhos

                                   e carballeiras...

                                    De tempos inmemoriais

                                   sacralizada esta terra

                                   polo monacal fervor,

                                   polo humano suor,

                                   ... (“ora et labora”) ...

                                   as costumes ancestrais,

                                   a vida ardua e austera.                                                                                                                              

                                  Logo ...

                                    a Historia,

                                    tecendo a súa crúa rede,

                                    pouco a pouco,

                                    foi tendendo

                                    sobre esta terra

                                    o velo do abandono,

                                    pois, alén do mar, se foron

                                    os homes e as mulleres,

                                    procurando mellor vida,

                                    na busca de “pan e peixe” ...

                                    Oh!  Galicia!

                                    Ei!   terriña!

                                    ¡espértate do teu sono!.

                                    Érguete!,  brinca! ...

                                    fala a berros ou murmura,

                                    faite valer!

                                    espílete!

                                    recupera o teu alento ...

                                    amosa ó mundo,

                                    firme e segura,

                                    o teu valor máis profundo,

                                    a xoia que gardas dentro!.

Páxina 15